नेकपा एमाले धुलिखेल वडा नं. ८ कमीटीले आगामी फागुण २१ गते हुने निर्वाचनका लागि चुनावी प्रचार प्रसार कमीटी गठन गरेको छ । वडा कमीटीका अध्यक्ष जीतेन्द्र बहादुर खत्रीको अध्यक्षतामा बसेको विस्तारित बैठकले चुनावी प्रचार प्रसार कमीटी गठन गरेको कुरा एमाले नेता साधुराम बडालले बताउनुभयो । प्रतिनिधिसभा काभ्रे क्षेत्र नं. १ का एमालेका उम्मेदवारलाई अत्याधिक मतका साथ विजयी गराउन एमाले सम्बद्ध मातहतका कमीटी संघ संगठनका नेता कार्यकर्ता एकताबद्ध भइ लाग्नुपर्ने कुरा एमाले काभ्रेका पूर्व सह इन्चार्ज रेशम लामाले बताउनुभयो । काभ्रे क्षेत्र नं. १ का समानुपातिक उम्मेदवार इन्द्र बहादुर तामाङ, एमाले नेता केशव बडाल, वडा कमीटी इन्चार्ज गीता लामा, वडाका पूर्व इन्चार्ज कृष्णप्रसाद शर्मा, एमाले धुलिखेल नगर कमीटी सदस्य कृष्णबहादुर भुजेलको सहभागीता रहेको थियो ।