अध्यक्ष उम्मेदवार

चौरीदेउराली गाउँपालिका, नेकपा (माओवादी केन्द्र)

      विगत २४ वर्ष देखि कम्युनिष्ट आन्दोलनमा लागेर समाज बदल्न लागि परेको एक महिला हुँ । पार्टीले विश्वास गरेर मलाई नेकपा (माओवादी केनद्र) ले मलाई टिकट दिएको छ । जनताले मलाई विश्वास गरेर जीताउनु हुने छ भन्ने विश्वास लिएको छु । सबै खालका सामाजिक विभेदको अन्त्य, चौरीदेउराली गाउँपालिकाका जनताका विकासका आवश्यकता, भौगोलिक पूर्वाधार सडक, प्रशासकीय भवन, गाउँपालिका जोड्ने सडक सञ्जाल स्तर उन्नती, सडक कालोपत्रे गर्ने कार्य गर्ने छु । स्थानीय निर्वाचन २०७४ मा हाम्रै पार्टीका अग्रज दिननाथ गौतमको नेतृत्वको जनप्रतिनिधिले स्रोत साधनको सदुपयोग गरेर विकासको जग बसालेको छ । केही पुरा गर्न बाँकी छ । त्यो काम हामी गछौँ । विगतमा काभ्रे जिल्लाको डाडाँपारी क्षेत्र पहिलो कर्णाली महाभारत र खानीखोला त्यस्तै गरी दोश्रो कोशीपारी क्षेत्रलाई लिइन्थ्यो । अहिले अवस्था बदलीएको छ । संघीय संरचनापछि स्थानीय पालिकामा विकासका कार्यले गति लिएका छन् । अव भौतिक पूर्वाधारको विकासले मात्र पुग्दैन जनताका जनजीविकाको सवाल गाँस वाँस कपास पहिलो  आधारभूत आवश्यकता हो । दोश्रो स्वास्थ्य र शिक्षाको गुणस्तर विकास सहितको जनतालाई छिटो छरितो सेवा प्रवाह गर्नुपर्छ । कृषि र पशुपालन व्यवसायमा लगानी बढाएर व्यवसायिकरण गर्ने, कृषि र पशुपालन व्यवसायमा आत्मनिर्भर बनाउने र बजारीकरणको प्रवन्ध गर्न गाउँपालिकाले योजना बद्ध ढङ्गबाट अघि बढ्नु पर्ने छ । त्यो हामी गछौँ । कृषिमा आधुनिकिकरण, मल विउविजन र औजार खरिदमा अनुदान उपलब्ध विगतमा दिइएको छ । अब त्यसमा बजेट बढाएर संवैधानिक व्यवस्था अनुसार कृषि क्षेत्रको उन्नत विकासमा कुल बजेटको १५ प्रतिशत बजेट छुट्टाउने व्यवस्थालाई कार्यान्वयन गरेर कृषककोहितमा कार्य गर्नु पर्छ । सिंचाईको प्रवन्ध गर्न सकिने क्षेत्रमा  सिंचाईको प्रवन्ध गरिने छ । प्राविधिक सिपमुलक शिक्षा प्रदानका लागि भौतिक पूर्वाधारले सम्पन्नता सहितको विद्यालय निर्माण गर्ने, उच्च शिक्षा हाँसीलका लागि केन्द्र र प्रदेश सरकारसँग समन्वय गरेर बजेट विनियोजन गर्न लगाउने, १५ शैयाको अस्पताल बनेको छ । त्यसलाई व्यवस्थित गरेर गुणस्तरीय स्वास्थय सेवा प्रवाह जनतामा पु¥याउने, स्वास्थ्य संस्थाबाट बालबालिका र जेष्ठ नागरिकहरुलाई स्वास्थ्य सेवा घरघरमा पु¥याउने, स्थानीय सरकार जनताका घर दैलोको सरकार हो भनेर जनताहरुले अनुभुति गर्न पाउने गरी कार्य गर्नुपर्छ । पार्टीले अहिले सक्षम र सवल चरित्रवान उम्मेदवार छनौट गरेर पार्टीले पठाएको छ । गठवन्धनको साझा उम्मेदवार हामी छौँ । युवा, महिला, बालबालिका, जेष्ठ नागरिक सबैको बृहत्तर हितको लागि हामी कार्य गछौँ । उद्योग कलकारखानाको सञ्चालन गर्ने क्षेत्र यहाँ छैन् ।  कृषि र पशुपालन व्यवसायलाई व्यवसायिकरण गर्ने नै हो । कृषि उपजमा आत्मनिर्भर मात्र नभइ अन्यन्त्र विक्रि गर्न सक्ने अवस्था श्रृजना गरी त्यसको बजारकिरण गर्नु आवश्यक छ । यस अघि नै २० वटा बाख्रा फर्म सञचालन, बेमौसमी तरकारी खेती गर्ने कार्य गरेको छ । आगामी दिनमा त्यसलाई तेब्बर बृद्धि गरेर युवा स्वरोजगारको वृद्धि, गरिवी निवारण गरी समृद्ध चौरीदेउराली गाउँपालिका बनाउने संकल्प हामी गछौँ । महिला शसक्तिकरण सिपमुलक  तालिम महिलाको नेतृत्व विकास गरी सक्षम र सवल बनाउने तिर हाम्रो ध्यान केन्द्रीत छ ।