उसको कथाभित्र पनि आफ्नै कथा देखें मैंले, आफ्नो कथा लुकाएर उसको कथा लेखे ंमैले  ।   पढ्दा उस्तै उस्तै लाग्यो उसको पिडा मेरा दुःख, उसको सुख खोज्न हिंड्दा पाएँ मैले मेरै सुख, जिन्दगीको सफरमा धेरै बाटा देखें  मैंले, आफ्नो कथा लुकाएर उसको कथा लेखें मैले ।   उडी हिंड्ने चरीलाई पिंजडामा  थुन्नेहरु , फुल्न नपाउदै फूल कोपिलामैं  उन्नेहरु , उज्यालोको मान्छेलाई अँध्यारोमा देखें मैंले । आफ्नो कथा लुकाएर उसको कथा लेखे मैले ।   के हुन्छ र तनको नाता मनको साइनो टुटेपछि, बग्दा रै, छन् आँसुहरु मनको बाँध फुटेपछि , उसको मनको ब्यथाभित्र आफ्नै ब्यथा देखे मैले, आफ्नो कथा लुकाएर उसको कथा लेखें मैंले ।   जूनतारा टिप्ने सपना कुन्नि कता कता छुटे , कोही आफन्तले बाँडे कोही पराइले लुटे , उसको खुशी भित्र पनि मेरै खुशी देखें मैले, आफ्नो कथा लुकाएर उसकोकथा लेखें मैंले ।