कोकिल स्वरकी विश्व मै चर्चित वरिष्ठ गायिका, कोकिल स्वरकी धनी लता मंगेशकरको आइतबार बिहान ९२ वर्षको उमेरमा मुम्बईको बीच क्याण्डी अस्पतालमा उपचारका क्रममा निधन भएको हो । उनको निधनको खबरसंगै  गीत संगीत कर्ममा लागेका र उनका फ्यानहरु दुखित भएका छन् । उनको निधनमा भारत सरकारले दुईदिने राष्ट्रिय शोकको घोषणा गरेको छ । भारतको सर्वोच्च पदक ‘भारत रत्न’द्वारा समेत विभूषित विश्व चर्चित गायिका लताको शोकमा दुई दिन राष्ट्रिय झण्डा आधा झुकाउने निर्णय पनि भारतले गरेको छ ।       लताले ३६ भाषाहरूमा फिल्मी र गैर–फिल्मी गीतहरू गाएकी छिन्, तर उनी भारतीय सिनेमामा पाश्र्व गायिकाको रूपमा चिनिन्छिन् । उनकी बहिनीहरु उषा मंगेशकर र आशा भोस्लेसँगै लताको भारतीय फिल्ममा ठूलो योगदान छ । लताको आवाजलाई भारतीय उप–महाद्वीपका साथै विश्वभर मन पराइएको छ । टाइम पत्रिकाले उनलाई भारतीय पाश्र्व गायनको अपरिहार्य र उत्कृष्ट सम्राज्ञीको रूपमा स्वीकार गरेको छ । भारत सरकारले उनलाई ‘ भारत रत्न’बाट सम्मानित गरेको थियो । २६ फेब्रअरी आइतबारका दिन मुम्बईको ब्रीच क्यान्डी अस्पतालमा कोभिड सम्बन्धी जटिलताका कारण उनको मृत्यु भयो । उनी केही समयदेखि बिरामी थिइन् । उनको उत्कृष्ट गायन र सुरम्य स्वरका फ्यानहरु विश्वभर छन् ।  उनलाई मायाले ’लता दिदी’ भनिन्छ ।