घरमा आफ्ना बाउ हुँदा हुँदै पनि ‘गोपी कृष्ण काउ को भाकामा ओली हाम्रा बाउ भन्ने जमात हो अहिलेको नेकपा एमाले । एमाले पार्टीको महाधिवेशन शुक्रबार देखि प्रचण्डको चुनावी क्षेत्र चितवनमा हुँदैछ । हुन् त चितवन बादलको पनि जिल्ला हो । बादल, टोपबहादुर, मणि, प्रभु लगायत २३ माओवादीका केन्द्रीय नेता एमाले उहिल्यै प्रवेश गरेका हुन् । पहिला एमालेमा छिर्नासाथ भाले भएको ठान्ने रामबहादुर थापा मगर जस्लाई बादल भनेर पनि धेरैले चिन्छन । उनी यतिबेला के सोचिरहेका होलान ? पद पाउने ठुलो नेता हुने महत्वकांक्षाले एमाले छिरेकाहरुको यतिबेला हरिबिजोग भएको छ । छि छि आफैले बनाएको त्यत्रो व्यक्तित्त्व कसरी चढाउन सकेका होलान ओलीका पाउमा आफ्नो टाउको ? बाबा केलाई भन्दा देख्नेलाई लाज भने झैँ भएको छ यतिबेला । ओलीले दिन्छन र खाउला भनेर बसेका छन् बादलहरु कठैबरा । मान्छेको जात नै बिद्रोही हो । अधिकार मागेर पाईदैन खोसेर लिनुपर्छ भनेर घोकेका बादलहरु यति लाचार किन भए ? यो सबै प्रचण्डको रिसले हो । बादलहरुको अवस्था झुक्दा झुक्दा धनुस्टनकार भईसके बिचरा । हामीले देख्दा युद्धका कमाण्डर बादल यतिबेला ओलीले दिए खाने नदिए हेरेर थुक निल्ने अवस्थामा पुगेको देख्दा माया लाग्छ । जनयुद्धका बेला अधिकार खोसेर लिनुपर्छ भन्दै जिहाद छेडेका बादलको राजनीतिक भबिश्य पत्तासाफ हुने भयो नै अब उनि चितवनमा गएर, राजनीति छोडेर सुँगुर पालेर बसे बेस हुन्छ । आफ्नो बर्कतीले यी नेता भएका होइन रहेछन भन्ने कुरा २३ भाइको हविगत अबका १० दिनमा देखिन्छ । डाङडाङडुङ्ग्डुङ्ग गर्जनेलाई पो बादल भनिन्छ । आफ्नो टाउको ओलीको पाउमा चढाउने रामबहादुर थापा मगरलाई स्याकुने स्वरमा बस्ने बराबरको लोकल भाले भन्दा के फरक भयो र ? कि हैन ?
